Camiño Portugués

Nos últimos anos é o camiño que máis aumentou en porcentaxe o seu número de peregrinos. A proximidade á costa e moitas poboacións grandes onde pasar a noite favoreceron o seu crecemento.

Desde Tui, cidade fronteiriza co país veciño, partirán os distintos grupos e camiñarán en dirección norte cara a Compostela pasando por O Porriño e Redondela. A cidade de Pontevedra, con todos os seus atractivos e coa súa basílica milenaria dedicada a Santa María, convértese en lugar de parada obrigada. Caldas de Reis e Padrón serán as últimas paradas. Este último é un lugar emblemático, xa que conta a tradición que aquí atracou a barca que traía os restos do apóstolo Santiago.