A ONG Motor for Peace celebrou os seus 20 anos de existencia cunha peregrinación a Santiago de Compostela, coincidindo co Ano Santo Compostelán. Esta ONG realizou en colaboración co Dicasterio para o Servizo do Desenvolvemento Humano Integral proxectos en África e América Latina.
Celestino Suárez, vicepresidente da ONG Moto for Peace relatou a Vatican News as orixes da súa organización: “Naceu no ano 2000, no seo da policía italiana e desde 2004 está formada por policías de diversos países europeos e despois do resto do mundo. Nace coa intención de conxugar tres paixóns: primeira, a paixón pola moto; en segundo lugar, darlle un sentido a esa paixón pola moto apoiando proxectos humanitarios e, en terceiro lugar, levando a mensaxe de paz e de solidariedade”.
Suárez contou que a viaxe comezou no Vaticano, onde o día 17 de xullo, tiveron unha misa de envío, presidida polo Cardeal Turkson, prefecto do Dicasterio para o Servizo do Desenvolvemento Humano Integral, na cripta e tumba de San Pedro. As condicións sanitarias han condicionado a realización das actividades este ano, por iso, Suárez subliña que a única posibilidade coa que contaban para facer unha viaxe por Europa e conmemorar os 20 anos era “unha peregrinación a Santiago de Compostela”. Para facelo escolleron a vía Franciscana, que parte de Roma ata Compostela. Seguidamente agradeceu o apoio tido polos organizadores do Xacobeo da Xunta e polo Vaticano, “Así damos un sentido e transportamos a cada unha das cidades onde facemos a parada, unha mensaxe de paz, unha mensaxe de fe. Coa presenza pretendemos difundir esta mensaxe”. A viaxe finalizou na Praza do Obradoiro, na Catedral de Santiago de Compostela, o 25 de xullo, día do Apóstolo Santiago.
Os participantes nesta iniciativa tiveron tamén a oportunidade de saudar ao arcebispo compostelán, monseñor Julián Barrio.
O vicepresidente de Moto for Peace dixo que as misións realizadas son tres, a primeira realizada en 2018 en África, a segunda en 2020 en América Latina e que non se alcanzou a finalizar e a terceira programada para Eurasia o ano próximo. O nome da misión ten a súa inspiración, afirma Suárez na figura do misioneiro, quen a miúdo é a única esperanza para as persoas que sofren nos países pobres e que nalgunhas ocasións este servizo chega ata o martirio. Suárez subliña que “a nosa misión é dar a coñecer, difundir este labor”.
O apoio ás misións consiste en dar sostén ás persoas máis pobres nas comunidades que se visitan, que nalgúns casos son nenos en idade escolar. O dirixente anotou que “o cardeal Turkson anímalles e apoia para a realización dos proxectos”. Para o ano próximo, contan cun período de tempo limitado, que pode ir de maio a finais de setembro, fóra desa xanela as condicións climáticas fan moi difícil responder as iniciativas. Suárez expresou a esperanza de que a situación sanitaria no mundo mellore e sexa posible a realización dos proxectos.
